MARTABAR HIDIMAR ALMASIHU CIKIN IKILISIYA

Na ɗade da damuwa game da batun Bangaskiya da Ruhu Mai Tsarki a cikin Ikklisiya tun lokacin da aka fara Bisharar Kiristi ta hannun mishanari na farko tsakanin kabilunmu da al'ummominmu daban-daban.

Idan aka kwatanta da koyarwar Kiristi a cikin Bisharu huɗu na Sabon Alkawari, Ikilisiyoyi da yawa sun sami koyarwar da ba ta dace ba wanda ya sa ake ganin Bishara ta hanyar da ake tuhumarta.

Ga takamaiman bayani, koyarwar Kiristi na warkarwa (Mt 10:1,8) ta gurbanta ta dalilin kimiyyar likitanci. Sabanin Ilimin Kristi da hikima ta wurin Ruhu Mai Tsarki (Luka 4:32) aka sauya da ilimin boko. Aka sauya ikon kawar da aljanu (Markus 6:13) da hanyar ilimin asibitocin mahaukata da kimmiyyar nazarin tunanin mutum. A kashin gaskiya, Bangaskiya watau baiwar Ruhu Mai Tsarki da rayuwar Kiristi an yi watsi dasu gaba ɗaya kuma an watsar da su!

Shi ya sa duk da Littafi Mai Tsarki a hannayen masu dubin yawa, Kalmar Ubangiji ba ta iya karɓuwa balle ta kasance mai amfani ga yawancin zukatan mutane.

Wannan mawuyacin halin ya bar Kiristoci da yawa cikin halin ruɗani har ya kai ga ko su gaskanta Kiristi ko kuma koyarwar wadanda suka kafa Ikilisiyoyin. Ubangiji Madaukaki mai jinƙai ne, ba zai taɓa barin zaɓaɓɓunsa a  cikin wannan rudani ba!